الله من عين طرقها صوواديف

الله مـن عيـن طرقهـا صواديـف

عميت ويبسن بالعـروق الصخافـي

شفت الوزا بالعين من عرض ماشيف

شفته وغيري من فطن له وشافـي

وقت تغيـر فيـه حتـى العواصيـف

جا في عواصيف الريـاح أختلافـي

شـره قناطيـر وخيـره مقاطـيـف

يفطن له اللي يرضـع الديـد غافـي

كم واحد جاله زمانه علـى الكيـف

واغترته نفسـه يبـا الجـود وافـي

يطلـع مطاليـع العـلا بالسواليـف

بين العـذارى عـد روحـه سنافـي

يفرح بهرج بالقفـى يكـره الضيـف

قتـات والقتـات بالـنـار هـافـي

يعلق قصيره علقـة النـار بالليـف

عـي ولـد عـي زنـوده ضعافـي

ان رخصت الحذوه توفي عن الحيـف

وان غليت الحذوه مشى اللاش حافي

يرقـد ويلحـق والدينـه تخالـيـف

دايـم ومرقـد ميـت النـار دافـي

هو مادرى ان الجود يبغـى تكاليـف

سهـر الليالـي مقبـلات مقـافـي

يبغـى يديـن للعطايـا مغـاريـف

ويبغـى رجـول ماتمـل الوقـافـي

والصبر بنحور السنيـن الشواحيـف

اللي قساهـا مثـل حـد الرهافـي

مايقدرون الجـود سـود الأطاريـف

مشاركـة بيـض النسـا باللحافـي

يقدر عليه اللي حكم نجـد بالسيـف

واودع مباغيـض القبايـل ولافــي

عبد العزيز اللـي يبـث المصاريـف

يجـدع قناطيـر الذهـب بالفيافـي

يمشي على دربه جمـوع مراديـف

نـو تحـدر مـاه والجـو صـافـي

يشدي لواقيط الزبيـدي بعـد ريـف

ومما كسى البيـدا تفيـد الضعافـي

وســــــــلامتكم

لاهنت

لاهنت ع الرد السريع

لاهنت ع الرد السريع

» موقع الرسول صلى الله عليه وسلم كــــــــــــــامل والكامل وجه الله
» سيرة أبي بكر الصديق رضي الله عنه
» من سيرة الرسول صلى الله عليه و سلم
» لماذا اخفى الله الموت؟؟
» من سيرة الرسول صلى الله عليه و سلم